پکتیا کې د یو واټرشیډ د جوړولو چارې پیل شوې
۱۸ کب ۱۴۰۱ه.ش
۱۶ شَعبان المُعَظّم ۱۴۴۴ ه.ق
د پکتیا کرنې، اوبولګولو او مالدارۍ ریاست اړوند د همکارۍ برنامې اړیکو دفتر له لورې ددې ولایت په ګرده څیړی ولسوالۍ کې د بوتکۍ ټڼډۍ واټر شیډ بیا رغولو چارې پیل شوې.
د بوتکۍ ټڼډۍ واټرشیډ په بیا رغولو سره به د۳۱۰۰ کاری ورځې ایجاد شي چې ددې کلي کارګرانو ته به د کار زمینه برابره شي او هم به د سېلاب د تخریباتو څخه مخنیوی وشې، د خلکو د پوهاوی لپاره به د یو مرکز په توګه و کارول شۍ تر څو د طبیعي پېښو او طبیعي سرچینو په مدیریت کې به په راتلونکي کې یو مثبت بدلون رامنځته کړي.
په دی واټرشیډ کی به ترینچونه،چک ډ یمونه د خاورې پولې، او ځینې نور تخنیکونه جوړشي اوهم به پکې ۳۰۰ دچهارمغزو نیالګي،۳۷۰۰ دبادامو نیالګي، ۲۶۰ کیلو د رشقې تخم، به په فني ډول سره وکرل شي.
د پروژی د پایداری لپاره د طبیعي سرچینو د مدیریت ۱۱ کسیزې کمیټې جوړول چې د پروژې په تطبیق کې به داړیکو دفتر سره به همکار وی او د ټولینې په سطحه به د شخړو په هواری کې مرسته ي.
له یادې پروژې څخه به ۶۰۰ کورنۍ ګټه پورته کړي، همدارنګه نوموړې پروژه به د کرنې، اوبولګولو او مالدارۍ ریاست، د ولسوالۍ اړونده کلیو د پرمختیایي شورا او طبیعي سرچینو د مدیریت ټولنې سره په پوره همغږۍ تطبیق شي.
