د لغمان د علیشنګ په ولسوالی کې د ۷ بنسټیزو پروژو چارې پیل شوې

۲۷ چنګاښ ۱۴۰۱ ه‍.ش
۱۹ ذوالحجَّة ۱۴۴۳ ه‍.ق
د لغمان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې «FAO» په مالي او د «AREA» مؤسسې په تخنیکي همکارۍ ددې ولایت د علیشنګ په ولسوالی کې د ۷بنسټیزو پروژو چارې پیل کړي دي.
د لغمان دکرنې ریاست وایي دغه پروژې، چې د ۷ کانالونو د وړو سربندونو جوړول په کې شامل دي د علیشنګ ولسوالی د «ګونپال، انجیل کلا، غازي آباد، میاصاحب دېره، سیګل او شمکټ» کلیو کې پلي کېږي.
د چارواکو په خبره د دغو پروژو ټولیز لګښت ۷۹ زره امریکایي ډالر ده، چې ۷۷۰ کسانو ته په کې د کار زمینه برابره شوې ده.
ددغو پروژو په پلي کولو سره به په ټولیزه توګه 7 کوچني سربندونه په اساسي او بنیادي بڼه ورغول شي، د اوبو د ضایعاتو مخه به ونیول شي او کرنیزو ځمکو ته به په وخت اوبه ورسېږي، چې ورسره به د بزګرانو حاصلات لوړ او اقتصاد به یې ښه شي.