کونړ کې پر سلګونو کاریګرو د کار په بدل کې نغدې پیسې ووېشل شوې
۲۹ وری ۱۴۰۳ه.ش
۸ شَوّال المُکَرَّم ۱۴۴۵ه.ق
د کونړ دکرنې، اوبولګولو او مالدارۍ ریاست وایي، چې ددې ولایت د دوو ولسوالیو پر هغو کاريګرو چې، د یادو ولسوالیو په بېلابېلو سيمو کې یې، په پراختیایي پروژو کې کار کړي ؤ نغدې پيسې وېشل شوي دي.
د چارواکو په خبره ددې پروسې په ترڅ کې پر ۱۱۰۰ تنه کاریګرو د ۱۰۰ امریکایي ډالرو معادل نغدې افغانۍ وېشل شوي دي.
د کونړ د کرنې او مالدارۍ ریاست چارواکي وویل، چې یادې پروژې دکرنې مدیریت تر څار لاندې، په بېلابېلو سیمو کې پیل شوي،چې مالي اوتخنیکي چارې یې د (را) مؤسسې له لوري سمبال شوي دي.
ددغو پروژو د پلي کولو موخه په دې ولایت کې د موسمي اوبو مدیریت، د کرنې ودې او پراختیا ته زمینه برابرول او په ټوله کې خلکو ته دکار زمینه برابرول دي.
