د هلمند ناوه کې پر سلګونه هکټاره ځمکه سابه کرل شوي
۱۸ وری ۱۴۰۳ه.ش
۲۷ رَمَضانُ المُبارَک ۱۴۴۵ه.ق
د هلمن دکرنې، اوبولګولو او مالدارۍ ریاست چارواکي وایي، چې ددې ولایت د ناوې په ولسوالی کې په سلګونه هکټاره ځمکه کې ژمني سابه کرل شوي، چې دامهال دګل نیونې په حالت کې قرار لري چې حاصلات به یې ډېر ژر بازار ته وړاندې شي.
ددې ولسوالی د کرنیزو خدمتونو مسؤلینو د معلوماتو له مخې سږکال په ناوې ولسوالی کې په ٢١٢ هکټاره ځمکه کې بینډۍ، په ١١١ هکټاره ځمکه کې توربانجان، ١٤٦ هکټاره ځمکه کې رومیان او ١٨ هکټاره ځمکه کې ماروکدو کرل شوي دي.
د هلمند دکرنې ریاست تخنیکي ټیم یادو کروندګرو په بېلابېلو برخو کې هر اړخیزې سلا مشورې ورکړي دي.
