خوست کې سلګونه مالداران ورزول شول
۱۸ وری ۱۴۰۳ه.ش
۲۷ رَمَضانُ المُبارَک ۱۴۴۵ه.ق
د خوست دکرنې، اوبولګولو او مالدارۍ ریاست د افغانستان لپاره د ناروې کمېټې په همکارۍ ددې ولایت د مالدارانو ستونزو ته د رسېدنې او د څارویو د ناروغیو د مخنیوي په پار د بېلابېلو ناروغیو د واکسینونو پلي کولو ترڅنګ د واکسینونو په هکله مالدارانو ته د عامه پوهاوی پروګرام پیل کړی دی.
د خوست دکرنې ریاست د چارواکو په خبره ددې لړۍ په ترڅ کې د مرکز اړوند لکڼو او شمل کلیو کې سلګونه څاروي واکسین او ترڅنګ یې مالدارانو ته د څارویو روزنې او واکسینونو په هکله عامه پوهاوی ورکړل شوي دي.
ددې پروګرام موخه د مالدارانو ملاتړ، د څارویو د ناروغیو د کچې ټیټول او په ټوله کې د مالدارۍ سکټور ودې او پراختیا ته زمینه برابرول دي.
