نورستان کې پر ۲۸۰۰ مالدارانو نغدې پیسې ووېشل شوې
![نورستان کې پر ۲۸۰۰ مالدارانو نغدې پیسې ووېشل شوې](https://www.mail.gov.af/sites/default/files/2024-03/img-20240330-wa0085.jpg)
۱۱ وری ۱۴۰۳ه.ش
۲۰ رَمَضانُ المُبارَک ۱۴۴۵ه.ق
د نورستان ولایت دکرنې، اوبولګولو او مالدارۍ ریاست د ملګرو ملتونو د خوړو اوکرنې ادارې په مالي او د افغانستان راتلونکي نسلونو مؤسسې په تخنیکي همکارۍ ددې ولایت د مرکز پارون، واما، وایګل او منډول ولسوالیو پر۲۸۰۰ مالدارو کورنیو د دوی د مالدارۍ د ودې او پراختیا په موخه نغدې پیسې وېشلي دي.
د نورستان ولایت دکرنې ریاست د چارواکو په خبره ددې مرستې په ترڅ کې هرې کورنۍ ته ۶۷۹۰ افغانۍ او د رشقې درې کیلم ګرامه تخم د دوی د څارویو د خوراکی خوندیتوب په موخه ورکړل شوي دي.
ددې مرستې موخه د بېوزله مالدارنو ملاتړ او په ټوله کې د مالدارۍ سکټور خوندیتوب او پراختیاته زمینه برابرول دي.