کندهار کې پر یوشمېر بزګرانو د زعفرانو پیاز ووېشل شوې
![کندهار کې پر یوشمېر بزګرانو د زعفرانو پیاز ووېشل شوې](https://www.mail.gov.af/sites/default/files/2019-09/70250394_2723205287704054_2131168768049545216_n.jpg)
۲ تله ۱۳۹۸
د کندهار د کرنې، اوبولګولو او مالدارۍ ریاست چارواکي وایي، چې په دې ولایت کې د زعفرانو د کرکېلي د ترویچ په پار پر ۵۰ بزګرانو دوه زره او ۲۵۰ کیلوګرامه د زعفرانو پیاز وېشلي دي.
د کندهار د کرنې ریاست وایي، چې کندهار د زعفرانو کرکېلي او تولید لپاره ښه مناسب اقلیم لري، او په دې ولایت کې د زعفرانو کرکېله د کمیت او کیفیت له پلوه ښه پایله ورکړې ده.
د نږدې څو کلونو راهیسې د کندهار په ځینو سیمو کې د زعفرانو کرکېله ترویج شوې ده. د کندهار د کرنې ریاست هیله لري چې، ډېر ژر په دې ولایت کې د زعفرانو کرکېله او تولید زیات شي.
د یادونې وړ ده، هغو بزګرانو ته چې، ورته د زعفرانو پیاز ورکړل شوي دي د کرنې وزارت د زعفرانو متخصصینو له لورې ورته د زعفرانو کرکېلي، حاصل ټولولو او پروسس په برخه کې بېلابېل عملي او نظري زده کړې هم په پام کې نیول شوي دي.