ننګرهار کې د ځمکې غصب او غصب شویو ځمکو بېرته راګرځولو کمېټې غونډه دائره شوه
۱۷ سلواغه ۱۴۰۲ه.ش
۲۵ رَجَب المُرَجَّب ۱۴۴۵ ه.ق
د ننګرهار ولایت د امارتي، سلطاني، مرعي او وقفي ځمکو د غصب مخنیوی او غصب شویو ځمکو بېرته راکرځولو تخنیکي پلاوي پر مهمو موضوعاتو غونډه وکړه.
په یاده غونډه کې د ننګرهار دکرنې رییس او تخنیکي پلاوي مشر مولوي عبدالستار محمد سربېره، د جلال آباد ښاروال، د ننګرهار مستوفي، ښارجوړونې رییس، قبایلو او سرحداتو رییس، حج او قافو رییس، د ښاروالۍ مرستیال، امارتی قضایاوو امر او د کدستر مسول ګډون درلود.
په دې غونډه کې دامارتي قضایاوو امریت څخه راغلو مختلفو دوسیو، بهسودولسوالی زانګویي د داودخان اود سراچي علي خان د ارسلاح او میرزاګل دځمکو په ګډون د غصب اړوند ګڼو نورو مهمو موضوعاتو باندې خبرې اترې وشوې.
دغه راز د غصب مخنیوي تخنیکي پلاوي پریکړه وکړه، چې د غصب دمخنیوي تخنیکي پلاوي د سلطاني، وقفي او عامه ځمکو د بررسي صلاحیت لري نو که یادې ځمکي سلطاني وي باید تخنیکي پلاوي بررسی کړي او که نه وي د قضایایی امارت له لورې دي پرمخ یوړل شي، د بهسودو زانګویې سیمه کې د قاري اسد او داوود څخه استعلامونه وشي او د بهسودو سراچي علي خان په تړاو دي د بهسودولسوالۍ څخه د ځمکي سکیج، کروکي او نور هر اړخیز معلومات وغوښتل شي او په راتلونکي مجلس کې پري تصمیم ونیول شي .
په ورته وخت کې د اداراتو او ولسي وګړو پر عرایضو بحث وشو او په ډېرې برخو کې پرېکړه وشوه، ترڅو د عامه ملکیتونو دمنځه تللو مخنیوی وشي.
