د فراه بالابلوک کې د اوبولګولو چکډم جوړېږي
د کرنې، اوبولګولو او مالدارۍ وزارت له خوا دفراه ولایت د بالابلوک ولسوالی بزګرانو ته د اسانتیاوو برابرولو په پار د اوبولګولو د یو چکډم د جوړولو د بنسټ ډبره کېښودل شوه.
دفراه ولایت دکرنې، اوبولګولو او مالدارۍ ریاست چارواکي وایي، چې یاد چکډم د بالابلوک ولسوالی د سیاه ځنګل په کلي کې جوړېږي، چې ۷۰ متره اوږدوالی، ۴ متره سور او د لسګونه مترمکعب اوبو د زېرمه کولو وړتیا لري.
د فراه ولایت د کرنې، اوبولګولو او مالدارۍ ریاست چارواکي وایي، چې ددې پروژې په پلي کېدو سره به د باران اوبه کنټرول شي او د ځمکې د سطحې پر اوبو به هم ښه اغیز ولري، ددې ترڅنګ د کاریزونو او څاګانو په اوبو به هم اغېز کوي د کوچیانو مالونو ته هم اوبه چمتو کوي او د خاورې د تخریب مخه نیسي.
