هلمند کې ٢٠ متریک ټنه اصلاح شویو تخمونو ته دکرنې تائید لیکونه ورکړل شو
۴ سلواغه ۱۴۰۲ه.ش
۱۲ رَجَب المُرَجَّب ۱۴۴۵ ه.ق
دهلمند ولایت د کرنې، اوبولګولو او مالدارۍ ریاست په هلو ځلو، د سوېل لویدیځ زون د اصلاح شویو تخمونو د تصدیق ورکولو امریت اړوند د لابراتوار عمومي مدیریت له خوا د پسرلنیو نباتاتو ٢٠ متریک ټنه تخمونو ته د اصلاح شویو تخمونو په نوم تائید او تصدیق ورکړل شو.
د یادو تخمونو په ترکیب کې د جوارو، پنبې او بینډیو تخمونه شامل، دي چې د لابراتواري تجزیې وروسته ور ته د تصدیق او تائید لیکونه ورکړل شوي دي.
د هلمند ولایت د کرنې ریاست هڅه کوي، چې د سوېل لویدیځ زون په کچه هغو تخمونو ته تائید لیکونه ورکړي، چې د سوېل لویدیځ زون د ولایتونو له چاپېریال سره توافق ولري او د ناروغیو څخه پاک وي تر څو د ګاونډیو هېوادونو د بې کیفیته تخمونو څخه خلاص او کرونده ګر پر ځان بسیاشي.
