کندهار کې د پنبې ۷۰ ننداريزې کروندې جوړېږي
![کندهار کې د پنبې ۷۰ ننداريزې کروندې جوړېږي](https://www.mail.gov.af/sites/default/files/2021-06/206009661_4442969645727601_5173455953075058943_n.jpg)
۵ چنګاښ ۱۴۰۰
د کندهار د کرنې، اوبولګولو او مالدارۍ ریاست په دې ولایت کې د پنبې د کرکېلي د پراختیا او د کتار په بڼه د پنبې د کرکېلي دودولو په پار د پنبې ۷۰ یو جریبه ننداریزې کروندې جوړوي.
یاد ننداریزې کروندې د کندهار په مرکز او اوو ولسواليو کې جوړېږي.
د کندهار ولایت دکرنې رياست چارواکي وايي، چې د دغو ننداريزو کروندو د جوړولو په پار یې هر بزګر ته د پنبې تخم، تور او سپينه سره ورکړي دي.
دوی وایې ۷٠ تنو بزګرانو ته دکتار په بڼه د پنبې کرکېلي، اوبولګول، سره ورکونه، د تخم اندازه، د هرزه بوټو کنټرول، د کیمیاوي سرو د استعمال وختونه او په ټوله کې د کر څخه تر حاصل ټولولو پورې پر ټولو برخو کې روزنه هم ورکړل شوې ده.
پنبه د کندهار په ډېرو ولسوالېو کې ښه نتیجه ورکوي.