میدان وردګو کې پر ۲۲۰۰ مالدارانو د څارویو خوراکي توکي ووېشل شوې
د میدان وردګو ولایت دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په مالي او د مسلکي روزنې او بیارغونې مؤسسې په تخنیکي همکارۍ ددې ولایت د مرکز میدان ښار ترڅنګ د مرکزي بهسود، بهسود اوله حصه، دایمرداد او جغتو ولسوالیو کې پر ۲۲۰۰ مستحقو مالدارانو د څارویو خوراکي توکي وېشلي دي.
د میدان وردګو ولایت دکرنې، اوبولګولو او مالدارۍ ریاست د چارواکو په خبره ددې مرستې په ترڅ کې پر هرمالدار د څارویو ۲۰۰ کیلوګرامه خوراکي توکي وېشل شوي دي.
له دغو مرستو څخه د میدان وردګو ولایت د مرکز میدان ښآر ۵۰۰، د مرکزي بهسود ۲۰۰، د بهسود اوله حصه ۵۰۰، د دایمیرداد ۵۰۰ او د جغتو ولسوالی ۵۰۰ مالداران برخمن شوي دي.
ددې مرستې موخه د وچکالۍ ځپلو او بېوزله مالدارانو ملاتړ او په ټوله کې ددې ولایت د مالدارۍ سکټور ودې او پراختیا ته زمینه برابرول دي.
