میدان وردګو کې سلګونو کورنیو سره د مرستې په پار سروې ترسره شوه
![میدان وردګو کې سلګونو کورنیو سره د مرستې په پار سروې ترسره شوه](https://www.mail.gov.af/sites/default/files/2024-03/img-20240328-wa0047.jpg)
د میدان وردګو ولایت دکرنې، اوبولګولو او مالدارۍ ریاست له خوا ددې ولایت د دایمیرداد او نرخ په ولسوالیو کې کروندګرو کورنیو سره د مرستې په موخه سروې ترسره شوه.
د میدان وردګو ولایت د چاروکو په خبره د یادو ولسوالیو پر سلګونو کورنیو د کورنیو باغچو اړونده توکي، د سبو اصلاح شوي تخمونه او کرنیزې توکي وېشل کېږي.
دغه مرستې د مسلکي روزنې او بیارغونې مؤسسې په تخنیکي همکارۍ ترسره کېږي، چې موخه یې د بزګرانو ملاتړ او د کرنې ودې او میکانیزې ته زمینه برابرول دي.