عصري بڼوالۍ دودولو په پار هڅې؛ کوز کنړ کې زرګونه نیالګیو لپاره د څاڅکو اوبوخور سیسټم فعال شو
۱۳ مرغومې ۱۴۰۲ه.ش
۲۱ جُمَادَى الثاني ۱۴۴۵ ه.ق
د ننګرهار د کرنې، اوبولګولو اومالدارۍ ریاست سره په همغږۍ د خوړو نړیوال پروګرام په مالي لګښت او د افغانستان راتلونکي نسلونو مؤسسې په تخنیکي همکارۍ ۵۰ زره بوټو لپاره د څاڅکو اوبخور سیستم ولګول شو.
د ننګرهار د کرنې، اوبولګولو او مالدارۍ رییس مولوي عبدالستار محمد وویل د افغانستان راتلونکي نسلونو مؤسسې په کوزکونړ کې د ۵۰ زره بېرو نیالګیو لپاره د څاڅکو اوبوخور سیستم سربېره د ۳۲۳ کاریګرو په مرسته ۲۵۰ زره متره تراسونو پاک کارې کړي او ۴۸۰ نوي تراسونه کېندل شوي.
نوموړي زیاته کړه ددې تراسونو ترڅنګ نږدې ۱۳ زره میوه لرونکو او زینتي ونې د چاپیریال د ښکلا او سمسورتیا په موخه کرل شوي دي.
ښاغلي محمد وویل د یادې پروژي د تطبیق موخه د بېوزلۍ د کچې ټیټول، خلکو ته کاري زمېني برابرول، کرنیزو محصولاتو لوړول، د سیمي ښکلا او د شاتو مچیو روزنې ته په کور دننه پراختیا ورکول دي
