د هلمند څلورو ولسوالیو کې د لسګونه جریبه امارتي ځمکو د غصب مخه ونیول شوه
۱۷ سلواغه ۱۴۰۲ه.ش
۲۵ رَجَب المُرَجَّب ۱۴۴۵ ه.ق
هلمند کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي خپلې هلې ځلې ګړندي کړي دي.
د دغو هلو ځلو په دوام دهلمند ولایت د ځمکو د غصب مخنیوی تخنیکي پلاوی په لارښوونه ددې ولایت د نهرسراج، ناوې، واشېر او باغران ولسوالیو په بېلابېلو سیمو کې د نوو خپلسرو تصرفاتو مخه ونیول شوه.
د غصب د مخنیوي په دې کمپاین کې، د یادو ولسوالیو امنیتي او د کرنې چارواکو برخه اخیستې وه، چې د ګڼو اشخاصو او افرادو لخوا په امارتي ځمکو نوې جوړېدونکي دیوالونه ړنګ او په سیمه کې د هر ډول خپلسرو تصرفاتو په کلکه مخنیوی وشو.
د یادونې وړ ده، چې تر دې وړاندې هم هلمند کې د سلګونه جریبه ځمکي د غصب مخنیوی شوی دی او لا هم دا لړۍ ادامه لري.
بلخوا د هلمند دکرنې ریاست ددې ولایت د نوزاد په ولسوالی کې د طبیعي ځنګل د ونو پرېکولو په تور یوتن د یو عراده مازدا موټر سره یوځای نیولی دی.
د چارواکو په خبره د یادې ولسوالی په مربوطه سیمو کې یو تن د غرني ځنګل طبیعي ونې پرې کړې وې چې د یادوونو د انتقال پر مهال نوموړی کس او اړونده مازدا موټر د پرې شویو ونو سره یو ځای د امیتي مسؤلینو په همکارۍ نیول شوي او اړونده عدلي او قضایي ادارو ته ور پېژندل شوی دی.
