د هلمند نادعلي کې پر نږدې ۸۰۰ بزګرانو د غنمو اصلاح شوي تخمونه او کیمیاوي سرې وېشل کېږي
![د هلمند نادعلي کې پر نږدې ۸۰۰ بزګرانو د غنمو اصلاح شوي تخمونه او کیمیاوي سرې وېشل کېږي](https://www.mail.gov.af/sites/default/files/2024-02/img-20240225-wa0438.jpg)
۶ کب ۱۴۰۲ه.ش
۱۴ شَعبان المُعَظّم ۱۴۴۵ه.ق
د هلمند ولایت د کرنې، اوبولګولو او مالدارۍ ریاست لخوا، د ملګرو ملتونو دخوړو او کرنې ادارې په مالي او دجک مؤسسې په تخنیکي همګارۍ، د نادعلي ولسوالی ٧٦٨ تنو مستحقو بزګرانو ته د غنمو اصلاح شویو تخمونو ترڅنګ کیمیاوي سرې ویشلو لړۍ پیل شوی دی.
دغه مرستې هغو بزګرو ته ورکول کېږي، چې تر دې وړاندې ورته د سویابینو تخمونه ورکړل شوي وو.
د یادو مرستو په لړ کې هر کرونده ګر ته ٥٠ کیلو ګرامه د غنمو اصلاح شوي تخم، ٥٠ کیلو تور او ٥٠ کیلو سپینه سره ورکول کېږي.
ددې مرستې موخه د بېوزله بزګرانو ملاتړ او په ټوله کې د غنمو حاصلاتو زیاتوالي ته زمینه برابرول دي.