د هلمند نادعلي کې د حیواني ناروغیو د مخنیوي په پار درمل شیندنه روانه ده

دهلمند ولایت د کرنې، اوبولګولو او مالدارۍ ریاست، د مالدارۍ او حیواني روغتیا آمریت لخوا، ددې ولایت د نادعلي په ولسوالی کې د څارویو ساتنځایونو کې د حیواني ناروغیو مخنیوي په پار د درمل شیندنې چارې پیل کړي دي.
د یادو درملو په مرسته به د څارویو مضره حشرات، مختلفې حیواني ناروغۍ او خزندې له منځه یوړل شي.
د نادعلي ولسوالی مالداران د هلمند دکرنې ریاست له مرستې او همکارۍ خوښ دي او وایي، چې د یادو درملو د کارونې په پایله کې به یې څاروي له ناروغیو خوندي او د دوی د اقتصادي زیان مخه به ونیول شي.
دغه پروسه به ددې ولایت په نورو سیمو کې هم د ځایي مالدارانو ترڅنګ د کوچیانو د څارویو په ساتنځایو کې هم پلي شي.