د هلمند مارجه کې پر ١٠٠بزګرانو د جوارو کتاري کرکیلې ماشینونه ووېشل شول
٢۹ لیندۍ ۱۴۰۲ه.ش
۷ جُمَادَى الثاني ۱۴۴۵ ه.ق
د هلمند ولایت دکرنې، اوبولګولو او مالدارۍ ریاست اړوند د مارجې ولسوالی د کرنیزو خدمتونو مدیریت له لوري، له افغان کډوالو سره د مرستې لپاره د ډنمارک کمیټې په مالي همکارۍ ددې ولسوالی ١٠٠ تنو بزګرانو سره د کرنیزې ماشینرۍ مرسته ترسره شوه.
تر دې وړاندې دغو بزګرو ته د جوارو اصلاح شوي تخمونه هم وېشل شوې وه چې په تعقیب یادو ځمکوالو ته د جوارو د کتاري کرکیلي ماشینونه ورکړل شوي دي.
ددغو مرستو موخه په یاده ولسوالی کې د عصري او میکانیزه کرنې دودول او د بزګرو ملاتړ دی ترڅو ددوی په کرنیز اقتصاد کې بهبود او نوښت رامنځته شي.
