د لوګر پر بزګرانو۳۲۶ ټنه اصلاح شوي تخمونه وېشل کیږي
۱۵ لړم ۱۳۹۹
د لوګر دکرنې، اوبولګولو او مالدارۍ ریاست ددې ولایت پر بزګرانو د غنمو د اصلاح شویو تخمونو د وېش لړۍ پیل کړی دی.
په دې لړۍ، کې د لوګر ولایت په کچه پر شپږ زره او ۵۲۰ بزګرانو د غنمو ۳۲۶ مټریک ټنه اصلاح شوي تخمونه وېشل کیږي.
دغه اصلاح شوي تخمونه د څه باندې څلور میلیونه افغانیو په لګښت چمتو شوي دي او د سبسایډې په ډول پر بزګرانو وېشل کیږي. ددغو اصلاح شویو تخمونو ۴۰ سلنه لګښت د بزګرانو او ۶۰ سلنه لګښت یې د کرنې وزارت له خوا ورکول کیږي.
