بادغیس کې پر ۱۲۰ کروندګرو مېرمنو د خوړو د پروسس کڅوړې ووېشل شوې
۸ لیندۍ ۱۳۹۹
د کرنې، اوبولګولو او مالدارۍ وزارت ددې وزارت د یوې پروژې له لارې، د بادغیس ولایت پر ۱۲۰ کروندګرو مېرمنو چې وړې شنې خونې لري، د خوړو د پروسس بشپړه کڅوړې ووېشل.
یاد کڅوړې د غورماچ او بالامرغاب په ولسوالیو کې پر کروندګرو مېرمنو وېشل شوي دي. دغه کڅوړې چې ۴۷ توکي په کې شامل دي، د مربا، اچارو او رومي بانجانو د رُب په جوړولو کې ترې ګټه اخیستل کیږي.
له دغو مرستو برخمن شوې کروندګرې مېرمنې کولای شي، چې له یادو کڅوړو څخه په استفادې سره له خپلو شنوخونو څخه تر لاسه شوي محصولات پروسس او خرڅ کړي.
د خوړو د پروسس د یادو کڅوړو د وېش موخه، د کورنیو اقتصادي ودې سره مرسته، د ارزښت لرونکو کرنیزو محصولاتو پېژندنه، د تولیدوونکو د پوهې د کچې لوړول او مېرمنو لپاره کارموندنه ده.
