اروزګان کې پر سلګونه جریبه ځمکه د غنمو اصلاح شوي تخمونه کرل شوي
![اروزګان کې پر سلګونه جریبه ځمکه د غنمو اصلاح شوي تخمونه کرل شوي](https://www.mail.gov.af/sites/default/files/2024-04/whatsapp_image_2024-04-06_at_10.19.20_331a8231.jpg)
۱۸ وری ۱۴۰۳ه.ش
۲۷ رَمَضانُ المُبارَک ۱۴۴۵ه.ق
د اروزګان دکرنې، اوبولګولو او مالدارۍ ریاست چارواکي وايي، چې ددې ولایت دکرمز ترینکوټ ترڅنګ د یاد ولایت د ولسوالیو په سلګونه جریبه ځمکه کې د غنمو اصلاح شوي تخمونه کرل شوي دي.
د چارواکو په خبره دغنمو دغه مقام ورایټۍ اصلاح شوي تخمونه دکرنې وزارت او همکارو مؤسسو په همکارۍ پر دغو بزګرانو وېشل شوي دي، ترڅو له خپلو کروندو څخه غوره حاصلات ترلاسه کړي.
باید وویل شي، چې د کرنې وزارت له خوا د هېواد په کچه پر زرګونو بزګرانو د غنمو اصلاح شوي تخمونه او کیمیاوي سرې وېشل شوي دي، چې ورسره به د بزګرانو د عوایدو کچه لوړه او ترڅنګ یې د هېواد د غنمو اړتیاوې به هم تر یوې کچې پوره شي.