په درې زره هکټاره ځمکه د پستې ځنګلونه جوړېږي
۲۴چنګاښ۱۴۰۰
د کرنې، اوبولګولو او مالدارۍ وزارت چارواکي وایې، چې سږکال د بادغیس، سمنګان، سرپل، تخار، بدخشان او بلخ ولایتونو په درې زره هکټاره ځمکه د پستې ځنګلونه جوړېږي.
ددوی په وینا تر اوسه د پستې د ځنګلونو د رغولو چارې ۴۰ سلنه بشپړ شوې، چې د ۱۴۰۰م مالي کال ترپایه به يې ټولې چارې بشپړشي.
بادغيس د هېواد په کچه د پستې لوی تولیدکونکی ولایت ګڼل کېږي.
د کرنې، اوبولګولو او مالدارۍ وزارت، د طبيعي سرچینو لوی ریاست د چارواکو په وینا، د پستې درې زره هکټاره ځنګلونه د شپږ متره تراس په اوږدوالی، ۷۰ سانتي پلنوالي او ۴۰ سانتي ژور والي سره په بادغیس، سمنګان، سرپل، تخار، بدخشان او بلخ ولایتونو کې رغول کېږي، چې د يادو ځنګولونو په رغولو سره به دپستې په حاصلاتو کې د پام وړ زیاتوالی راشي.
