اروزګان کې د ځمکې غصب او غصب شويو ځمکو بېرته راکرځولو کمېټې کړنې
د اروزګان د امارتي (سلطاني) عامه مرعي او وقفي غصب شویو ځمکو، د غصب مخنيوي او استرداد کمیسون تخنیکي پلاوی خپلې هلې ځلې کړندي کړي دي.
د دغو هلو ځولو په دوام د یادې کمېټې رییس مولوی عبدالصمد مقبول په مشری په داسې حال کې، چې د تعقیب او نظارت لوی ریاست رییس حافظ عمر هم شتون درلود د یوې غونډې په ترڅ کې پر بېلابېلو موضوعاتو خبرې اترې وکړې.
دغه راز یاد پلاوی داروزګان مرکز ترينکوټ اړوندو سيمو نظارت ترسره کړل، ددې نظارت په ترڅ کې يې يو لړ هغه اشخاص له غصب څخه بند کړل، چې پر امارتي ځمکو يي غصب شروع کړی وو. کورونه، برمې او يو لړ نور تصروفات يي پیل کړي وه.
باید وویل شي، چې د اروزګان ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
