ننګرهار کې د دولتي ځمکو د غصب مخنیوی او غصب شویو ځمکو بېرته راګرځولو تخنیکي پلاوي غونډه
۷ وری ۱۴۰۲ه.ش
۵ رَمَضانُ المُبارَک ۱۴۴۴ ه.ق
د ننګرهار ولایت د امارتي، سلطانې، مرعي او وقفي ځمکو د غصب څخه د بېرته راګرځولو تخنيکي پلاوی ددې ولایت د کرنې ادارې او د تخنیکي پلاوی رییس مولوی عبدالستار محمد په مشرۍ خپله نوبتې غونډه تر سره کړه.
د غونډې په پیل کې، د ننګرهار دکرنې رییس مولوی عبدالستار محمد لخوا ننګرهار ولایت ته د افغانستان د امارتي، سلطاني، مرعي او وقفي ځمکو د غصب څخه د بېرته راګرځولو کمیسون د مشرتابه د راتګ او عملي کارونو ترسره کولو او ولایتي تخنیکي پلاوي مسؤلینو ته د غصب د مخنیوې د موضوع پوره څېړنې او د دوسیو ترتیب او مرکزي کمیسون ته د لېږلو په اړه هدایات د تخنیکې پلاوي غړو سره په غونډه کې شریک کړل.
محمد همداراز د مشرتابه د هدایاتو د پلي کولو په خاطر د قضایا امارت مسؤلینو ته د یو منظم اجرایوی پلان جوړولو په موخه سپارښتنې وکړې، او زیاته یي کړه تر څو د پلان له مخې خپل کارونه چټک او د غاصبینو دوسیې ترتیب او د عملي کولو په موخه مرکزي کمیسون ته واستول شي.
وروسته د تخنیکې پلاوي مسؤلینو د جلال آباد ښار څلورمې ناحیې اړوند د انګورباغ سیمه کې د ښاروالۍ په غصب شوو سیمو کې چې د غاصبینو لخوا پکې کورونه جوړ شوي د کورونو د تخلیي خبردارۍ هم ورکړل شو.
