فراه کې د ځمکې غصب مخنیوی او د غصب شویو ځمکو د بېرته راګرځولو تخنیکي پلاوي غونډه دائره شوه
۲۱ کب ۱۴۰۱ه.ش
۱۹ شَعبان المُعَظّم ۱۴۴۴ ه.ق
فراه کې د ځمکې غصب مخنیوی او د غصب شویو ځمکو د بېرته راګرځولو تخنیکي پلاوي خپله اوونیزه غونډه د یادې کمیټې د رییس الحاج مولوی عبدالمؤمن فیصل په مشرۍ جوړه کړه.
دغه غونډه د فراه ولایت د کرنې ریاست په مقام کې جوړه شوې وه او پر بېلابېلو موضوعاتو خبرې اترې وشوې.
په دې غونډه کې د فراه ولایت د قلعه کاه اړوند د شمس کاریز موضوع، د فراه ولایت د بکواه ولسوالی اړوند د سیاو آغا اړوند سیمې د اسعتلامونو پر جوابونو، د فراه ولایت د بالابلوک ولسوالی اړوند دهزکی کلی، د فراه ولایت مرکز اړوند د خواجه احمد سیمې اړونده موضوع او د فراه ولایت مرکز اړوند د خرمالق سیمې پرموضوعاتو خبرې اترې وشوې.
باید وویل شي، چې د فراه ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
