د نورستان پر بزګرانو د غنمو ۹۸ټنه اصلاح شوي تخمونه وېشل کیږي
۱ لیندۍ ۱۳۹۹
د نورستان ولایت پر یوزر او ۹۶۰ بزګرانو د ۹۸ مټریک ټنه د غنمو اصلاح شویو تخمونو د وېش لړۍ پیل شوه.
د نورستان ولایت د کرنې، اوبولګولو او مالدارۍ رییس عبدالوهاب نسیمي وایي، چې ددې ولایت په یو زر او ۹۶۰ بزګرانو پر هر یو بزګر د غنمو ۵۰ مټریک ټنه اصلاح شوي تخمونه، د سبسایډي په ډول د برخمن شویو بزګرانو په ۴۰ او د کرنې وزارت په ۶۰ سلنه لګښت وېشل کیږي، چې ورسره به ددې ولایت په درې زره او ۹۲۰ جریبه ځمکه کې د غنمو اصلاح شوي تخمونه وکرل شي.
د نورستان ولایت د کرنې رییس زیاته کړه، چې د دغو اصلاح شویو تخمونو د وېش موخه په دې ولایت کې د غنمو د حاصلاتو لوړول او د بزګرانو ملاتړ دي.
