هلمند کې ۴۰۰ کسانو ته د کار زمینه برابره شوه

۲۸ لړم ۱۳۹۹
د هلمند دکرنې، اوبولګولو او مالدارۍ ریاست د خوړو نړیوال پروګرام «WFP» په مالي او د «HRDA» په تخنیکي مرسته ددې ولایت ۴۰۰ اوسیدونکو ته د شپږو میاشتو لپاره د انارباغ د نیالګیو روزلو او بولان طبیعي ځنګل کې د خوړو په بدل کې د کار زمینه برابره کړه.
د هلمند دکرنې رییس زلمی الکو وایي، چې ددې پروسې له لارې د انارباغ په ۱۰۰ جریبه ځمکه کې زرګونه مېوه لرونکي او بې مېوې نیالګي روزل کیږي، قوریه به په اساسي او بنسټیز ډول ورغول شي او دغه راز د بولان طبیعي ځنګل ټولې هغه سیمې، چې د اورلګېدنې او نورو طبیعي او غیر طبیعي پېښو له امله وچ او یا له منځه تللي دي له سره ورغول شي.
دغو ۴۰۰ کارګرانو ته به د کار په بدل کې هر کس ته به یې د میاشتې، ۹۸کیلوګرامه اوړه، ۹.۱۰ کیلو ګرامه غوړي، ۱۲کیلو ګرامه دال او یو کیلو مالګه ورکول کیږي.
ددې ترڅنګ به په دې پروګرام کې ۴۰ ښځو ته د مرخیړیو روزلو په برخه کې د کار زمینه هم برابریږي.