دهلمند په بولان څېړنیز فارم کې د کروندې ورځ ونمانځل شوه
۳ لړم ۱۴۰۵ هـ.ش
۱۳ جُمَادَى الأول ۱۴۴۸ هـ.ق
د هلمند ولایت د کرنې، اوبولګولو او مالدارۍ ریاست اړوند، د څېړنو عمومي مدیریت تر چتر لاندې، په بولان څېړنیز فارم کې د کروندې ورځ ونمانځل شوه.
په دې غونډه کې د کرنې ریاست استازو، د کرنې او خوړو نړۍوال دفتر استازي، د تخم تولیدونکو شرکتونو استازو، د کرنې پوهنځي استادانو او محصلینو او مخکښو کروندګرو ګډون کړی و.
د غونډې په ترڅ کې د جوارو د بومي، دوه رګه او اصلاح شویو نوعو د کرنې، تولید او تخم تولید په اړه معلومات وړاندې شول.
همدارنګه، د ممپلیو او باجرې د نویو لاینونو د څېړنو پایلې له ګډونوالو سره شریکې شوې او د هغوی پوښتنو ته د تخنیکي ټیم له لوري ځوابونه ورکړل شول.
د دې ورځې موخه د کرنیزو څېړنو د پایلو شریکول، د اصلاح شویو تخمونو په اړه د کروندګرو پوهاوی لوړول او د صنعتي او تېلي نباتاتو د کرکېلې پراختیا وه.
