لغمان کې د شولو ۳۰ ننداریزې کروندې جوړېږي
دلغمان دکرنې، اوبولګولو او مالدارۍ ریاست ددې ولایت د مرکز په ګډون په یوشمېر ولسوالیو کې دکتار په ډول دشولو دعصري کرکېلي د ترویج په موخه د ننداریزو کروندو جوړولو په پار پر۳۰ بزګرانو توره او سپینه سره، د کرکېلي اړین توکي او نغدې پیسې وېشلي دي.
د لغمان دکرنې ریاست وايي، چې دغه ننداریزې کروندې د کرنې ریاست د پراختیایي بودیجې له لارې جوړېږي.
یاد ننداریزې کروندې بزګرانو ته د کتار «ریپا» په ډول دشولو کرلو د نوي او عصري میتودونو د زده کړې او رواجولو په موخه جوړېږي. د لغمان دکرنې ریاست د چارواکو په خبره دکرنې وزارت له لورې یادو بزګرانو ته ټول تولیدي عوامل په وړیا توګه ورکړل شوي دي او هڅه کوي، چې راتلونکې کې پر نورو بزګرانو هم ورته مرستې ووېشي.
