دهلمند بولان څېړنیز فارم کې د انارو او انځرو نیالګيو کښېنولو چارې پیل شوې 

۲۸ سلواغه ۱۴۰۲ه‍.ش
۶ شَعبان المُعَظّم ۱۴۴۵ه‍.ق
دهلمند ولایت د کرنې، اوبولګولو او مالدارۍ ریاست لخوا، د کندهار ولایت د کرنې ، اوبولګولو او مالدارئ ریاست اړوند د کوکران فارم څخه د انارو ٢٣ او انځرو ٥ ډوله قلمې او نیالګي د څېړنو ، رواجولو او ډېرولو  په موخه هلمند ته انتقال او د مسلکي کارمندانو تر څارنې لاندې کښېنول کېږي. 
ددغو نیالګیو څخه به په څېړنیز فارم کې دوه ډوله ننداریز بڼوڼه وروزل شي، چې په بېلابېلو موسمونو کې به د هلمند ولایت ګڼو بزګرو ته پکې مسلکي لارښؤنې ووشي.
ددې ترڅنګ به د یادو بڼونو د ونو د ښو پایلو له ورکولو وروسته په نمونوي ډول د اړتیا وړ نیالګي ددې ولایت بزګرو او بڼوالو ته په واک کې ورکړل شي.
دهلمند ولایت کرنې ریاست په دې وروستیو کې هڅې راپیل کړي دي، ترڅو د بېلابېلو تخمونو د اصلاح او تکثیر ترڅنګ د مېوه لرونکو نیالګیو پر ګڼو ډولونو څېړنې وکړي او بیا یې بزګرانو ته ورسوي، ترڅو ددوی په کرنیز اقتصاد کې بهبود رامنځته شي.