ننګرهار کې د ځمکې غصب او غصب شویو ځمکو بېرته راګرځولو کمېټې غونډه دائره شوه

۲۸ سلواغه ۱۴۰۲ه‍.ش
۶ شَعبان المُعَظّم ۱۴۴۵ه‍.ق
د ننګرهار ولایت د امارتي، سلطاني، مرعي او وقفي ځمکو د  غصب مخنیوی او غصب شویو ځمکو بېرته راکرځولو تخنیکي پلاوي پر مهمو موضوعاتو غونډه وکړه.
په یاده غونډه کې د ننګرهار دکرنې رییس او تخنیکي پلاوي مشر مولوي عبدالستار محمد سربېره، د جلال آباد ښاروال، د ننګرهار مستوفي، ښارجوړونې رییس، قبایلو او سرحداتو رییس، حج او قافو رییس، د ښاروالۍ مرستیال، امارتی قضایاوو امر او د کدستر مسول ګډون درلود.
غونډه کې د لعلپوري ولسوالۍ ډبرو سکرو، ملاخیل ځایې خلکو او سلطان خیل کوچیانو څړځای په ګډون د غصب اړوند ګڼو نورو مهمو موضوعاتو باندې لنډ بحث او رڼا واچول شوه.
دغه راز د غصب مخنیوي تخنیکي پلاوي پریکړه وکړه چې دلعلپوري ولسوالۍ د ډبرو سکرو د بسته بندۍ ځمکي دوسیه نهایې او د وروستي اجراتو په موخه د غصب مخنیوي مرکزي کمیسیون ته واستول شي، دملاخېلو او سلطان خېلو د ترمنځ څړ ځاي له نږدې ولیدل شي، سکیج،  کروکي او نور هر اړخیز معلومات وغوښتل شي او په راتلونکي مجلس کې پري تصمیم ونیول شي .
په ورته وخت کې د اداراتو او ولسي وګړو پر عرایضو بحث وشو او پر ډېرې برخو کې پرېکړه وشوه، ترڅو د عامه ملکیتونو دمنځه تللو مخنیوي وشي.