هلمند کې د څارویو له یو شمېر کلینیکونو او درمل پلورنځیو څخه څارنه وشوه
۴ سلواغه ۱۴۰۲ه.ش
۱۲ رَجَب المُرَجَّب ۱۴۴۵ ه.ق
دهلمند ولایت د کرنې، اوبولګولو او مالدارۍ ریاست د مالدارۍ او حیواني روغتیا آمریت مسلکي کارکوونکو لخوا له یو شمېر حیواني کلینیکونو او درمل پلورنځیو څخه څارنه ترسره شوه.
د یادې څارنې په ترڅ کې د څارویو روغتیا پالانو ته د څارویو د ناروغیو تشخیص او درملنې په برخو کې مسلکي لارښؤنې وشوې.
ددې ترڅنګ د یادو روغتونو د مسؤلینو د کار جوازونه، د مسلکي وړتیاو سندونه او کار کولو کړنلارې و ارزول شوې او په بېلابېلو برخو کې ورته لازمې سپارښتنې وشوې.
د دغې څارنې او ارزونې موخه د غیر مسلکي کسانو مخنیوی ترڅنګ، مالدارانو او کوچیانو ته مؤثر او پر وخت خدمات وړاندې کول دي.
