د میدان وردګو ولایت دکرنې ریاست: ۹۴۰ کورنیو سره مرستې وشوې
د میدان وردګو ولایت دکرنې، اوبولګولو او مالدارۍ ریاست په همغږۍ د «OCHA» له خوا ۹۴۰ کورنیو سره د نغدو پیسومرستې وشوې.
د چارواکو په خبره ددې مرستې په لړ کې د میدان وردګو ولایت په درېوو ولسوالیو «جلریز، حصه اول بهسود او دایمرداد» کې ۹۴۰ کورنیو سره د نغدو پیسو مرستې وشوې، ددې مرستې په لړکې پر هرې کورنۍ ۶۱۷۲ افغانۍ وېشل شوي دي.
د میدان وردګو ولایت دکرنې ریاست وایي، چې ددغو مرستو لړۍ روانه ده او ډېر ژر به ددې ولایت په نورو ولسوالیو کې هم پر کورنیو یاده مرسته ووېشل شي.
ددغو مرستو د وېش موخه د بېوزله کورنیو ملاتړ او په ټوله کې د دې ولایت د مالدارۍ سکټور پراختیا او ودې ته زمینه برابرول دي.
