لغمان کې د اوبو د ضایعاتو مخنیوي په پار د یوې پروژې چارې پیل شوې

۳تله ۱۴۰۱ه‍.ش
۲۸صَفَرالمظفّر ۱۴۴۴ ه‍.ق
د لغمان دکرنې، اوبولګولو اومالدارۍ ریاست د سولې ریښې (Roots of Peace) مؤسسې په همکارۍ ددې ولای د مرکز مهترلام په خاله خېلو کې د شهرندجوی کانال د ۱۶۰ مترو پاک کاري او بیارغونې او دغه راز د ۱۹ وړو سربندونو د اوبو د کنټرول دروازې د بیارغونې چارې پیل کړي دي.
د لغمان دکرنې رییس الحاج محمدولی محسن وایي، چې یاده پروژه کې به ۲۰نفره ۴۵ ورځې کار کوي،في نفر کارګر ته ۳۰۰او استاد ته ۶۰۰ افغانۍ ورځینۍ مزد/اجوره ورکول کېږي.
د لغمان دکرنې رییس د شرکت مسؤلینو او کارګرانو ته په خطاب کې جدي لارښوونه وکړه ترڅو د کانال ټول کارونه په لوړ کیفیت او پوره صداقت ترسره کړي.