پکتیا: رباط سیمه کې د دولتي ځمکې د غصب مخه ونېول شوه
۱۵ زمری ۱۴۰۱ه.ش
۸ محرم الحرام ۱۴۴۴ ه.ق
دپکتيا دکرنې، اوبولګولو او مالدارۍ ریاست چارواکي وایي، چې ددې ولايت د ځمکو د غصب د مخنيوي کميټې غړو د مرکز ګرديز اړوند د رباط پشتې غونډيو سيمه کې د هغې دولتي ځمکې د غصب مخه ونېوه، کومه چې د سیمه ییزو زورواکو له لخوا يې د جوړونې چارې روانې وې، د يادې سيمې شمال ته د رباط کلی، جنوب ته يې د غزني عمومي سړک، ختيځ ته يې د سرح دارې خوړ او لويديځ ته يې لويه ژور سيمه پراته ده.
ياده کميټه کومه دکرنې ریاست په مشرۍ د امیرالمؤمنین د هغه حکم د تطبيق په موخه جوړه شوې چې له مخې يې بايد په ټول هېواد کې د امارتي ځمکو مخه ونېول شي.
د ځمکو د غصب د مخنيوي کميټې تر دې دمه د پکتیا په مرکز ګرديز کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
