خوست کې د بدلون په نوم د اوړو ميل(فابریکه) پرانیستل شوه

mail-admin
پنجشنبه ۱۳۹۹/۱/۱۴ - ۱۲:۵۵
خوست کې د بدلون په نوم د اوړو ميل(فابریکه) پرانیستل شوه


۱۵ وری ۱۳۹۹
د خوست د کرنې، اوبولګولو او مالدارۍ ریاست چارواکي وایي، چې په دې ولایت کې د بدلون په نوم د اوړو یو میل (فابریکه) چې د ورځې د ۱۶ ټنه اوړو د تولید وړتیا لري پرانیسل شوی دی.
د اړو دغه پرانیستل شوی ميل د یو خوستوال سوداګر په پانګونه جوړه شوې، چې د ورځې ۱۶ ټنه اوړه تولیدوي.
د اوړو د یاد میل په پرانیست غونډه کې د خوست والي محمدحلیم فدایي وویل، چې په یاده فابریکه لس ملیونه افغانۍ پانګونه شوې، چې په لومړی پړاو ک ۱۶ ټڼه اوړه تولیدوي، چې وروسته به ددې میل د اوړو تولید ۴۰ ټنو ته ورسیږي، چې دا به په خوست کې د اوړو په بیو مثبت اغېزه ولري.
ښاغلی فدایي وویل، چې ددې فابریکې اهمیت په دې کې چې له خپلو شته وړتیاوو ګټه اخلو او په دې سختو شرایطو کې چې د کرونا له امله د اوړو بیې پورته شوي، د خلکو ملاتړ کوي او هره ورځ به بازار ته ۱۶ ټنه اوړه وړاندې کوي.
والي وویل چې موږ باید په خپله خاوره، په خپلو لاسونو، خپلو خلکو ته کار پیدا کړو او دا د پیاوړي اقتصاد غوښتنه ده، نو ددې لپاره باید دولتي، خصوصي او مدني سکتور چارې سره همغږي کړو.
د خوست والي وویل، چې په نوي روان کال کې زموږ لومړیتوب د خصوصي سکتور پیاوړتیا او دوی ته د لازم کاري چاپېریال رامنځ ته کول دي، زه له ټولو سوداګرو او پانګوالو سره یو ځل بیا هم ژمنه کوم، چې ټول اسانتیاوې درکوو، خو په دې شرط چې پانګونه وکړئ او خلکو ته کار پیدا کړئ.
حلیم فدایي وویل، دا چې د کرونا ویروس له امله د اوړو نرخونه اغېز من شوي ددې فابریکې په فعالیت سره به په بازار کې د اوړو په نرخونو مثبت اغېز وکړي او زه په سوداګرو او هټیوالو غږ کوم، چې لوړې بیې او احتکار ګناه ده نو سوداګر دې په احتکار او لوړو بیو ولس نه ځوره وي.
د بدلون د اوړو فابریکې یو تن مسول ډاکتر محمد عزیز محسن په خپلو خبرو کې له حکومت څخه مننه وکړه، چې دوی ته یې په دې ولایت کې د پانګونې زمینه برابره کړه او  دوی یې پانګونې ته هڅولي دي.
محسن وویل چې د دوی فابریکه به د غنمو د حاصلاتو په وخت کې له بزګرانو څخه په مناسبه بیه غنم رانیسي او وروسته به یې د اوړو په ډول په مناسبه بیه خلکو ته وړاندې کوي، چې دا مهال هم په کافي اندازه غنم لري.

تازه ترین اخبار

شنبه ۱۳۹۹/۴/۱۴ - ۱۲:۵۹
Background image

وضعیت اقتصادی کوپراتیف‌های زراعتی بهتر شده است


۱۴ سرطان ۱۳۹۹
هم‌زمان با فرارسیدن اولین شنبه ماه جولای، روز جهانی کوپراتیف‌ها، وزارت زراعت، آبیاری و مالداری، با افزایش تسهیل زمینه‌های ایجاد کوپراتیف‌های زراعتی و خدمات مشورتی به این. . .

شنبه ۱۳۹۹/۴/۱۴ - ۱۰:۳۱
Background image

پیام تسلیّت

با تاثر و تالم فراوان، محمدیوسف غضنفر، نماینده‌ی فوق‌العاده‌ی رییس جمهور در امور توسعه‌ی اقتصادی و تجارتی و کاهش فقر، به اثر بیماری‌ای که عاید حالش شده بود، به حق پیوست.
بدین‌وسیله. . .
سه‌شنبه ۱۳۹۹/۴/۱۰ - ۱۱:۱
Background image

پروژه کشت سمارق برای صد خانم بازگشت‌کننده به کشور، در کابل راه‌اندازی شد

۱۰ سرطان ۱۳۹۹
ریاست زراعت، آبیاری و مالداری ولایت کابل، پروژه کشت سمارق توسط خانم بازگشت‌کننده به کشور را در این ولایت راه‌اندازی کرده است.
عمرجان منگل رییس اداره زراعت کابل، می‌‌گوید. . .

BACK TO NEWS