خوست کې د بدلون په نوم د اوړو ميل(فابریکه) پرانیستل شوه

mail-admin
Thu, Apr 02 2020 12:55 PM
خوست کې د بدلون په نوم د اوړو ميل(فابریکه) پرانیستل شوه


۱۵ وری ۱۳۹۹
د خوست د کرنې، اوبولګولو او مالدارۍ ریاست چارواکي وایي، چې په دې ولایت کې د بدلون په نوم د اوړو یو میل (فابریکه) چې د ورځې د ۱۶ ټنه اوړو د تولید وړتیا لري پرانیسل شوی دی.
د اړو دغه پرانیستل شوی ميل د یو خوستوال سوداګر په پانګونه جوړه شوې، چې د ورځې ۱۶ ټنه اوړه تولیدوي.
د اوړو د یاد میل په پرانیست غونډه کې د خوست والي محمدحلیم فدایي وویل، چې په یاده فابریکه لس ملیونه افغانۍ پانګونه شوې، چې په لومړی پړاو ک ۱۶ ټڼه اوړه تولیدوي، چې وروسته به ددې میل د اوړو تولید ۴۰ ټنو ته ورسیږي، چې دا به په خوست کې د اوړو په بیو مثبت اغېزه ولري.
ښاغلی فدایي وویل، چې ددې فابریکې اهمیت په دې کې چې له خپلو شته وړتیاوو ګټه اخلو او په دې سختو شرایطو کې چې د کرونا له امله د اوړو بیې پورته شوي، د خلکو ملاتړ کوي او هره ورځ به بازار ته ۱۶ ټنه اوړه وړاندې کوي.
والي وویل چې موږ باید په خپله خاوره، په خپلو لاسونو، خپلو خلکو ته کار پیدا کړو او دا د پیاوړي اقتصاد غوښتنه ده، نو ددې لپاره باید دولتي، خصوصي او مدني سکتور چارې سره همغږي کړو.
د خوست والي وویل، چې په نوي روان کال کې زموږ لومړیتوب د خصوصي سکتور پیاوړتیا او دوی ته د لازم کاري چاپېریال رامنځ ته کول دي، زه له ټولو سوداګرو او پانګوالو سره یو ځل بیا هم ژمنه کوم، چې ټول اسانتیاوې درکوو، خو په دې شرط چې پانګونه وکړئ او خلکو ته کار پیدا کړئ.
حلیم فدایي وویل، دا چې د کرونا ویروس له امله د اوړو نرخونه اغېز من شوي ددې فابریکې په فعالیت سره به په بازار کې د اوړو په نرخونو مثبت اغېز وکړي او زه په سوداګرو او هټیوالو غږ کوم، چې لوړې بیې او احتکار ګناه ده نو سوداګر دې په احتکار او لوړو بیو ولس نه ځوره وي.
د بدلون د اوړو فابریکې یو تن مسول ډاکتر محمد عزیز محسن په خپلو خبرو کې له حکومت څخه مننه وکړه، چې دوی ته یې په دې ولایت کې د پانګونې زمینه برابره کړه او  دوی یې پانګونې ته هڅولي دي.
محسن وویل چې د دوی فابریکه به د غنمو د حاصلاتو په وخت کې له بزګرانو څخه په مناسبه بیه غنم رانیسي او وروسته به یې د اوړو په ډول په مناسبه بیه خلکو ته وړاندې کوي، چې دا مهال هم په کافي اندازه غنم لري.

Latest news

Tue, Jun 30 2020 11:01 AM
Background image

Mushroom Cultivation Project Launched in Kabul for 100 Women

Saratan 10: 30 june, 2020
Kabul Agriculture, Irrigation and Livestock Department said that they have launched a Project to cultivate Mushroom for returnee women to the country.
Oma. . .
Thu, Jun 25 2020 10:55 AM
Background image

Parwan Cucumber Yields Increase by 16 Percent

Saratan 4: 24 Jun 2020
Officials of Parwan Agriculture, Irrigation and Livestock says, their prediction shows that Cucumber yields have increased in the province by 16 percent and will. . .
Tue, Jun 23 2020 8:03 PM
Background image

20 New Soybean Demonstration Units to be built in Takhar

Saratan 3 :25 Jun, 2020
Takhar Agriculture, Irrigation and Livestock Directorate has announced that they have distributed Soybean seeds to the Farmars for building
demonstration units. . .

BACK TO NEWS