د کندهار بولدک کې سلګونو کروندګرو ته د لایم سلفر درمل جوړولو عملي او نظري روزنه ورکړل شوه

mail-admin
یکشنبه ۱۴۰۳/۱۲/۱۹ - ۱۳:۲۹
د کندهار بولدک کې سلګونو کروندګرو ته د لایم سلفر درمل جوړولو عملي او نظري روزنه ورکړل شوه

۱۹ کب ۱۴۰۳ه‍.ش
۹ رَمَضانُ المُبارَک ۱۴۴۶ه‍.ق
د کندهار د کرنې، اوبو لګولو او مالدارۍ ریاست د کرنیزو چارو آمریت تر رهبرۍ لاندې، دبوټې ژغورنې مدیریت په تخنیکي همکارۍ د سپین بولدک ولسوالۍ په رباط، زړه کلا، لوی کاریز او یو شمېر نورو سیمو کې سلګونو بزګرانو او بڼوالو ته د لایم سلفر (د نباتي ناروغیو او آفتونو د کنټرول او وقایې) درمل جوړولو او تطبیقولو عملي او نظري روزنه ورکړل شوه.
دا روزنه د پنځو ورځو په اوږدو کې د تخنیکي ټیم لخوا په عملي او نظري بڼه ورکول شوه. په دې روزنه کې کروندګرو ته د لایم سلفر درمل جوړولو، ترکیب، او د دې درملو د تطبیق لارې چارې په عملي ډول وښودل شوې. همداراز، د نباتي ناروغیو او آفتونو د پېژندنې په موخه هم عامه پوهاوی ورکړل  شو، ترڅو کروندګر د نباتي ناروغیو او آفتونو په اړه پوره معلومات ترلاسه کړي.
لایم سلفر  یو کرنیز محلول دی، چې د فنګسي ناروغیو، باکتریاوې افتونو او زیان رسوونکو حشراتو د کنټرول لپاره کارول کېږي. دا محلول د نباتاتو روغتیا ساتي، خاوره ضدعفوني کوي، او د حاصلاتو کیفیت او مقدار لوړوي. په ځانګړې توګه، د مېوهلرونکو ونو او سبو لپاره ګټور ګڼل کېږي.
د دې روزنې موخه کروندګرو ته د ارزانه، کم‌لګښت او مؤثره درملو موندل، د کروندګرو کرنیزه روزنیزه کچه لوړول، لوړ کیفیت لرونکي حاصلات ترلاسه کول، د لایم سلفر درملو ته وده او پراختیا ورکول، د نباتي ناروغیو او آفتونو پر وړاندې وقایوي تدابیر نیول، کروندګرو ته د نباتي ناروغیو او آفتونو په اړه لازم معلومات ورکول دي، ترڅو خپل کښتونه او بڼونه خوندي وساتي.
د یادونې وړ ده، چې د کندهار د کرنې، اوبو لګولو او مالدارۍ ریاست تل هڅه کړې، ترڅو له کروندګرو سره هر اړخیزه همکاري وکړي او د نباتي ناروغیو او آفتونو د مخنیوي لپاره مؤثرې لارې ومومي. د دې روزنې په دوام، یوه میاشت وړاندې هم  د کندهار د میوند او سپین بولدک ولسوالیو کې کروندګرو ته د ټرایکوډرما قارچ درمل جوړولو روزنه ورکړل شوې وه.

تازه ترین اخبار

یکشنبه ۱۴۰۳/۱۲/۱۹ - ۱۳:۳۳
Background image

تغییر و تبدیلی در چند ریاست وزارت زراعت، آبیاری و مالداری

۱۹ حوت ۱۴۰۳ هـ.ش
به اساس پیشنهاد وزارت زراعت، آبیاری و مالداری و منظوری ریاست‌الوزرا امارت اسلامی افغانستان، تغییرات تازه‌ای در برخی ریاست‌های این وزارت به هدف بهبود روند کاری و انسجام. . .

یکشنبه ۱۴۰۳/۱۲/۱۹ - ۱۳:۱۶
Background image

نشست بورد ملی تخم‌های بذری افغانستان برگزار شد

۱۹ حوت ۱۴۰۳ هـ.ش
نشست بورد ملی تخم‌های بذری افغانستان به ریاست مولوی صدراعظم عثمانی، معین زراعت و مالداری وزارت زراعت، آبیاری و مالداری برگزار شد.
در این نشست مشاور استراتیژیک سازمان. . .

یکشنبه ۱۴۰۳/۱۲/۱۹ - ۱۳:۱۱
Background image

آغاز کمپاین ملی نهال‌شانی بهاری در ولایت پنجشیر

۱۹ حوت ۱۴۰۳ هـ.ش
کمپاین ملی نهال‌شانی بهاری تحت شعار «نهال امروز، رفاه آینده» از سوی ریاست زراعت، آبیاری و مالداری ولایت پنجشیر به‌صورت رسمی آغاز شد. این مراسم با حضور محترم ملا شاه. . .

BACK TO NEWS