لغمان او بادغیس ولایتونو کې د ځمکو د تثبيت چارې بشپړې شوې
۱۷ سلواغه ۱۴۰۳ه.ش
۶ شَعبان المُعَظّم ۱۴۴۶ه.ق
د عالیقدر امیرالمؤمنین (حفظه الله تعالی) د حکم په اساس صنعت او سوداګرۍ وزارت لپاره د هېواد په کچه په هر ولايت کې د زر جريبه ځمکو د تثبيت او انتقال په پار د صنعتي پارکونو د جوړولو په موخه بادغیس او لغمان ولایتونو کې هم د ځمکو د تثبيت چارې بشپړې شوې.
په دغه پروګرام کې چی د کرنې وزارت د اراضۍ ادارې لخوا په لاره اچول شوی په داسې حال کې چې د اراضۍ لوی ریاست استازو او د یادو ولایتونو د کرنې، کور او ښارجوړونې، اطلاعاتو او کلتور، ښاروالۍ، مستوفیت، کانونو او پټروليم او صنعت او سوداګرۍ ریاستونو مسؤلين شتون درلود د يادې ځمکې د تثبيت اسنادونه په رسمي بڼه لاسلیک او دغه سندونه به د نورو اجراآتو په موخه مرکز ته واستول شي.
په پای کې د بادغيس او لغمان ولایتونو مسؤلينو په یادو ولایتو کې ددغه مسؤلیت د پایلې څخه خوښي څرګنده کړه او دا کار يې د هېواد د پرمختګ او هېواد والو ته د کار د زمينې برابرولو په برخه کې ښه اقدام وباله.
