ننګرهار کې ۴۲ زره بزګرانو ته د غنمو اصلاح شوی تخمونه او کیمیاوي سرې وېشل کېږي
۱۳ لړم ۱۴۰۳ه.ش
۱جُمَادَى الأول ۱۴۴۶ه.ق
د ملګرو ملتونو د کرنې او خوړو ادارې او اکشن ایډ مؤسسې مسؤلینو د ننګرهار د کرنې، اوبو لګولو او مالدارۍ رییس سره د کارونو د ښې همغږۍ او د غنمو اصلاح شوي تخمونو او کیمیاوي سره وېش په موخه ناسته ترسره کړه .
ددې لیدنې په ترڅ کې، د ملګرو ملتونو د کرنې او خوړو ادرې استازي داکتر عبدالمعرؤف ابرهیم خېل خپلي ستونزې، غوښتنې او وړاندیزونه شریک کړل.
نوموړې وویل سږ کال د ننګرهار په ټولو ولسوالیو کې ۴۲ زره بزګرانو ته دغنمو اصلاح شوي تخمونه او کیمیاوي سرې وېشي.
د ننګرهار د کرنې، اوبو لګولو او مالدارۍ رییس مولوي محمد ولي محسن راغلو مسؤلینو ته په ټولو قانوني چارو کې د همکارۍ او همغږۍ ډاډ ورکړ.
