خوست کې د وریجو اړتیا معلومولو لپاره د شولو ۱۴۷ نمونې واخیستل شوې
د کرنې، اوبو لګولو او مالدارۍ ریاست په همکارۍ د احصایې ملي ادارې او کرنې وزارت د خوست ولایت اوو ولسوالیو کې د شولو د نمونو سروې بشپړه کړه.
د خوست د کرنې، اوبو لګولو او مالدارۍ رییس الحاج مولوي شیر محمد ذبیح د دې سروې ترسره کول اړین وبلل. هغه یادونه وکړه چې د کرنیزو چارو آمریت په چوکاټ کې د یاد ولایت اوو ولسوالیو اړوند (۴۹) کلیو کې (۱۴۷) د شولو نمونې واخیستل شوې. په دې سروې کې د خوست د کرنې ریاست مسلکي کارمندانو هر کلي کې درې ـ درې نمونې د شولو حاصل معلومولو لپاره اخیستي دي.
د احصایې ملي ادارې څخه راغلي متخصص غلام محمد دا پروسه مثبته وارزوله او ویې ویل، چې په یادو ولسوالیو کې د نمونو اخیستلو پروسه بشپړه شوې. هغه زیاته کړه چې د نمونو وزن، لندبل اندازې او رطوبت معلومولو چارې دوام لري.
غلام محمد یادونه وکړه، چې د دې سروې موخه د وریجو داخلي تولیداتو اندازه معلومول دي، ترڅو روښانه شي چې څومره تولید لرو او څومره اړتیا لرو، تر څو د اړتیا پر بنسټ د وریجو واردات ترسره شي.رکړل شوي دي.
