برکي برک ولسوالی ته د لوګر دکرنې رییس سفر

۱ وږی ۱۴۰۳ه‍.ش
۱۸صَفَر المُظَفَّر ۱۴۴۶ه‍.ق
د لوګر ولایت د کرنې، اوبولګولو او مالدارۍ رییس مولوی عبدالرؤف سعید په داسی حال کې چی د یاد ریاست د همغږۍ او څارنې کمیټې غړو د کرنیزو چوپړونو، طبیعي سرچینو او مالدارۍ څانګې آمرینو یی هم ملتیا کوله برکي برک ولسوالی ته کاري او څېړنیز سفر تر سره کړه.
ددې سفر په لړ کی یې د برکي برک ولسوالی د کرنې مدیریت له کارکوونکو سره ولیدل د کرنیزو خدماتو اړوند یې د هغوی کړنې او خدمات وستایل تر څنګ یی د دغه مدیریت کارکوونکو ستونزې یې واوریدې او د حل ډاډ یې ورکړ.
همدا راز یاد پلاوی د کرنې، مالدارۍ ،عوایدو او مشکوکو امارتی ځمکو د غصب مخنیوی اړوند د دغه مدیریت کارکوونکو ته لازمې لارښوونې او سپارښتنې وکړې.
د لوګر ولایت د کرنې او مالدارۍ ریاست مسؤولینو په برکي برک ولسوالی کې په خپله برخه کې بېلابېلې پروژې پلي کړي دي او ددغې ولسوالۍ ولسونو ته ډاډ ورکوی چې ورته به لا زیاتي چوپړتیاوې برابروی.