اروزګان کې یوشمېر مالدارانو سره د سایلیج جوړلو ماشینونو مرسته وشوه
۱۳ زمری ۱۴۰۳ه.ش
۲۸ مُحَرَّمُ الحَرام ۱۴۴۶ه.ق
د اروزګان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په مالي او د «اواچ ډبلیو» په تخنیکي همکارۍ ددې ولایت د مرکز ترینکوټ مالدارانو سره د حیواني خوراکي «سایلیج» جوړولو ماشینونو مرسته وکړه.
د مرستې د وېش پرمهال د اروزګان د کرنې، اوبولګولواومالدارۍ ریاست استازی وویل: «لس عرادې دسایلیج جوړلو ماشینونه دمرکز لسو کلیو مالدارانو ته ورکړل شوي، چې هر کلي ته یو یو ماشین مرسته ترسره شوه.»
یادو چارواکو له برخمن شویو مالدارانو څخه وغوښتل، چې یادو ماشینونو څخه سالمه ګټه واخلي او د ناوړه اقلیمي شرایطو څخه یې وساتي او داړتیا پرمهال دې دمالدارنو دغوښتنې سره سم د دوی په اختیار کې ورکړي.
«سایلیج» د ژمي په موسم کې د څارویو شنه خوراکي توکي دي، چې مالداران کولای شي د اوړي په موسم کې له شنو وښو «سایلیج» جوړ او د ژمي په موسم کې یې خپلو څارویو ته ورکړي.
