د غزني دکرنې رییس د جنګل باغ فارم او شنه کمربند څخه لیدنه وکړه
۶ زمری ۱۴۰۳ه.ش
۲۱ مُحَرَّمُ الحَرام ۱۴۴۶ه.ق
دغزنی دکرنې، اوبولګولو او مالدارۍ رییس مولوی ګلاب الدین ذبیح الله په داسې حال کې، چې ددې ریاست د طبیعي سرچینو آمر مهربان بېګزاد، د ځنګلونو او څړځایونو د سمون مدیر ثناګل حلیمي او سروې او مطالعاتو مدیر ډاکټر محمدیاسین احمدي یې ملتیا کوله د جنګل باغ فارم او شنه کمربند له بېلابېلو سیمو څخه لیدنه او د یاد فارم د ستونزو د حل په موخه یې لازمې لارښوونې وکړې.
د دې لیدنې په ترڅ کې دغزنی دکرنې رییس ته د یاد فارم د فعالیتونو او ستونزو په اړه د دې فارم د مسؤلینو له لوري معلومات وړاندې شو او د کرنې رییس د ستونزو د حل په موخه اړوندو مسوولینو ته لازمې لارښوونې وکړې.
په ورته وخت کې د غزني دکرنې رییس د جنګل باغ فارم مسوولینو ته ډاډ ورکړ چې د یاد فارم بېلابېلو څانګو ته د رسېدنې لپاره هلې ځلې کوي، چې ددې فارم شته ستونزې هوارې شي.
