ننګرهار کې د چرګانو ناروغیو د مخنیوي په پار هڅې؛ له چرګانو نمونې واخیستل شوې
۱ زمری ۱۴۰۳ه.ش
۱۶ مُحَرَّمُ الحَرام ۱۴۴۶ه.ق
د ننګرهار دکرنې، اوبولګولو او مالدارۍ ریاست په دې ولایت کې د چرګانو د ناروغیو خپرېدو د مخنیوي په موخه ددې ولایت د غني خېلو ولسوالی کې، د ناروغو چرګانو د درملنې او د پېښو د ثبت په پار له چرګانو څخه نمونې راټول او اړوندو مراجعو ته د څېړنې په موخه وسپارل شول.
د ننګرهار دکرنې او مالدارۍ ریاست چاراوکي وايي، فارم لرونکو ته په خپل وخت سره د رسېدنې او د ستونزو د حل په موخه د یاد ریاست اړوند د مالدارۍ آمریت څخه تخنیکي ټیم غني خېلو او روداتو ولسوالیو ته د سفر په ترڅ کې دبالټیک کنټرول مؤسسې درې فارمونو د ۳۰ زره چرګانو څخه د ۳۰ چرګانو څخه د ویني نموني واخېستل شوې او مرکزي لابراتوار ته د لا ښې څېړنې په موخه استول شوي، ترڅو معلومه شي، چې کومه ناروغي ونلري.
د ننګرهار دکرنې ریاست چارواکي وایي، چې د وینې نمونو اخیستلو موخه د ناروغیو معلومول او د ښو او روغو چرګانو وېشل دې.
دوی زیاته کړه بالټیک کنټرول مؤسسه غواړي په ننګرهار کې غریبو او ناچاره مېرمنو ته کورني چرګان ووېشي.
