ننګرهار کې څه باندې ۵۰ زره بزګرانو ته د غنمو اصلاح شوي تخمونه او کیمیاوي سرې وېشل کېږي
۲۳چنګاښ ۱۴۰۳ه.ش
۷ مُحَرَّمُ الحَرام ۱۴۴۶ه.ق
د ملګرو ملتونو د خوړو او کرنې ادارې د ختیځ زون مسؤل خوشحال اصفي د ننګرهار د کرنې، اوبو لګولو او مالدارۍ رییس مولوي محمد ولي محسن سره د کارونو ښه والي، همغږۍ، تېرو او راتلونکو کړنو په موخه وکتل.
خوشحال اصفي وویل راتلونکي فصل لپاره د ننګرهار په ۲۲ ولسوالیو کې څه باندې ۵۰ زره بزګرانو ته د غنمو اصلاح شوي تخمونه او کیمیاوی سرې وېشو.
همدارنګه د نملي بڼ د ناروغیو مخنیوي لپاره درمل برابرولو، کارونو همغږۍ، نوو پروژو او نورو اړوند مسایلو په برخه کې کرنې رییس سره معلومات شریک کړل.
ښاغلي اصفي په راتلوونکی کې دغنمو اصلاح شوي تخمونو، کیمیاوي سرو، حیواني خوراکي، شاتو مچیو، مرخېړیو، کورني چرګان، شنو خونو او د کانالونو جوړولو کې د پروژو پلي کولو ژمنې وکړې.
د ننګرهار د کرنې، اوبو لګولو او مالدارۍ رییس مولوي محمد ولي محسن د ملګرو ملتونو د خوړو او کرنې ادارې پر کارونو خوښي وښوده او په قانوني چارو کې د هر راز همکارۍ ډاډ ورکړ.
