پکتیا کې زرګونه څارویو ته د لېونتوب واکسینونو لړۍ پیلېږي

۱۰ غویی ۱۴۰۳ه‍.ش
۲۰ شَوّال المُکَرَّم ۱۴۴۵ه‍.ق
د پکتیا د کرنې، اوبولګولو او مالدارۍ ریاست په هڅو د افغانستان لپاره د هالنډ کمیټې له لورې ددې ولایت په مرکز او  ولسوالیو کې وړو شخوند وهونکو څارویو ته د لېونتوب او انټرکس  واکسینونونو د تطبیق لړۍ پېلېږي.
د پکتیا د کرنې، اوبولګولو او مالدارۍ ریاست د مالداري آمر قاري نورالله درویش وویل، چې د هالینډ کمیټې له لورې د پکتیا مرکز ګردیزپه ګډون ددې ولایت د روحاني بابا، وزی ځدران، احمد آبا، سید کرم، احمد خېل، ځاځی آریوب، ډنډپټان او جاني خېلو ولسوالۍ کې نوموړی واکسینونه وړو شخوند وهوونکو څارویو ته پلي کېږي. 
د پکتیا د مالدارۍ آمر درویش وویل، چې یادو واکسینونو کې ۲۵ زره د څارویو دلېونتوب ناروغۍ واکسینونه او همدارنګه ددې ترڅنګ ۸۵ زره ډوزه د څارویو د داخلي چنجیو درمل هم پر مالدارانو وېشل کېږي.
دغه واکسینونه په وړو څارویو کې د ناروغیو مخنیوی او د څارویو لرونکو اقتصادي ستونزو د حل په موخه ترسره کېږي.