لوګر کې سلګونو مالدارانو سره د څارویو د خوراکي توکو مرسته وشوه
۱۰ غویی ۱۴۰۳ه.ش
۲۰ شَوّال المُکَرَّم ۱۴۴۵ه.ق
د لوګر دکرنې، اوبولګولو او مالدارۍ ریاست د ملګرو ملتونو دخوړو او کرنې ادارې په همکارۍ ددې ولایت د ازرې ولسوالی پر ۱۰۰۰ مالدارانو د څارویو خوراکي توکي وېشلي دي.
د لوګر دکرنې ریاست د چارواکو په خبره ددې مرستې په ترڅ کې پر هر مالدار د څارویو ۲۰۰ کیلوګرامه خوراکي توکي وېشل شوي دي.
ددې مرستې موخه د بېوزله مالدارانو ملاتړ او په ټوله کې ددې ولایت د مالدارۍ سکټور ودې او پراختیا ته زمینه برابرول دي.
بلخوا د لوګر دکرنې، اوبولګولو او مالدارۍ ریاست له خوا د ازرې ولسوالی د دادي خېلو معدن په سیمه کې پر یوشمېر کروندګرو د نیالګیو د وېش ترڅنګ د معدن په سیمه کې هم نیالګي کېنول شوي دي.
