د هلمند دکرنې ریاست: لښکرګاه کې امنیتي چارواکو سره د ځمکې د غصب مخنیوی په پار د همغږۍ ناسته وشوه
۱۳ کب ۱۴۰۲ه.ش
۲۱ شَعبان المُعَظّم ۱۴۴۵ه.ق
د هلمند ولایت کرنې، اوبولګولو او مالدارئ ریاست د ترویج او په لښکرګاه کې د امارتي ځمکو د غصب مخنیوی مسؤل قاري محمد نسیم مسلم د لښکرګاه ښار د دریمې او څلورمې حوزې له امنیتي مسؤلینو سره د همغږئ ناسته وکړه.
په یادو جلاجلا ناستو کې لومړی د دریمې حوزې مسؤل یاسر او ورپسې د څلورمې حوزې مسؤل ملا اخند او د یادو حوزو له اړونده وکیلانو سره د همغږې ناستې وشوې، په یادو ناستو کې دواړو لوریو د امارتي ځمکو د غصب مخنیوی او ساتنې په برخه کې یو بل ته د بشپړو همکاریو ډاډ ورکړ.
تر ناستو وروسته په یادو سیمو کې له ګڼو امارتي ځمکو څخه لیدنې او ارزونې وشوې چې وروسته به په ترتیب سره د خپلو سرو او غاصبینو اشخاصو لخوا د نوو تصرفاتو د مخنیوی په برخه کې بیړنۍ اقدامات ترسره کیږي.
د یادولو وړ ده، چې هلمند کې به د ولسوالیو ترڅنګ په مرکز لښکرګاه کې هم له دې وروسته د غاصبینو پر وړاندې جدی اقدامات ترسره کیږي او چاته به د امارتي املاکو د غصب اجازه ورنکړل شي.
