د هلمند موسی کلا کې پر یوشمېر بزګرانو د سبو وچولو دستګاوې ووېشل شول
۱۶ وږي ۱۴۰۲ه.ش
۲۱ صَفَرُ المُظَفَّر ۱۴۴۵ه.ق
دهلمند ولایت د کرنې، اوبولګولو او مالدارۍ ریاست لخوا د بشري خیریه مؤسسې په همکارۍ، موسی کلا ولسوالی کې پر ٥٠ بزګرانو د سبو وچولو دستګاوې ووېشل شول.
یاد دستګاوې د بینډیو رومیانو او باجڼو تر څنګ د بېلابېلو مېوو لکه انګور او زردالو د وچولو وړتیا لري، چې پر مټ به یې هغه بزګر چې په زیاته کچه پورتني سابه کري او د مېوو بڼونه لري ګټه ورڅخه اخلي.
د دې پروسې موخه په دې ولسوالی کي د بزګرانو ملاتړ او ملاتړ دی، چې پر مټ به یې ځمکوال وکولای شي د خپلو محصولاتو د خرابېدو او له منځه تلو مخه ونیسي.
د یادولو وړ ده، چې د یادو مستحقو بزګرو د سروې او توزیع چارې د ګډې کمیټې لخوا په شفاف ډول سرته رسیدلي دي.
